Azam Media Limited

Azam Media Limited(AML) ni kampuni ya utangazaji kwa televisheni iliyosajiliwa Desemba, 2013. Ingawa ni mpya katika tasnia ya utangazaji, AML kwa kipindi cha miaka michache tangu ianzishwe, imekuwa miongoni mwa kampuni za vyombo vya habari vyenye miundombinu bora zaidi ya utangazaji. AML inayoendesha huduma ya TV ya kulipia inapatikana katika DHT.

AML ni kampuni tanzu ya Bakhresa Group, ni kampuni ya biashara inayomilikiwa na familia na miongoni mwa kampuni za viwanda zinazoongoza Tanzania yenye uwekezaji hasa katika sekta ya chakula na vinywaji baridi, ufungashaji, usafirishaji, huduma za usafiri majini, petrol na burudani. Kundi hilo la kampuni inajivunia moja ya timu kubwa za mpira Tanzania – Azam Football Club. Kwa mujibu wa tovuti yao, Bakhresa Group ina mapato ya zaidi ya USD milioni mia nane na zaidi ya watumishi elfu nane. Ilianzoshwa na Said Salim Awadh Bakhresa, ni mwanaviwanda maarufu aliyeanza kama mmiliki mdogo wa mkahawa miaka ya 1970 na kujenga himaya ya biashara ndani ya kipindi cha miongo mine. Saidi Salim Bakhresa bado ni mwenyekiti wa Bakhresa Group.

Azam Media Limited inasimamiwa na Yusuf Said Salim Bakhresa, miongoni mwa watoto wane wa mwasisi wa Bakhresa Group. Kwa mujibu wa Mamlaka ya Mawasiliano Tanzania – TCRA, Yusuf Said pia ni mwanahisa wa Azam Media Limited kama walivyo ndugu zake Abubakar Said Salim Bakhresa, Omar Said Salim Bakhresa na Mohamed Said Salim Bakhresa. Kila mmoja anamiliki 5% ya hisa, wakati Said Salim Bakhresa & Co Ltd – ambayo pia ni kampuni tanzu ya Bakhresa Group of Companies anamiliki 80% ya hisa zilizobaki.

Ndugu hao wote wapo kwenye bodi ya wakurugenzi ya Bakhresa Group, yenye shughuli zake Afrika Mashariki yote, Malawi, Msumbiji, Jamhuri ya Kidemokrasia ya Kongo na Afrika Kusini.

Azam Media is imesajiliwa, Wakala ya Usajili wa Biashara na Leseni (BRELA) (N0.95870) na jalada la kampuni lilipatikana. Limeorodhesha wanahisa waliotajwa hapo juu, pia imetaja rehani tarehe 12 Juni, 2013 kwa Standard Chartered Bank Tanzania Limited kupata USD 8,000,000. Mapato ya kila mwaka yameripotiwa hadi 2017.